Hreyfiseðillinn byggir á því að læknir metur einkenni og ástand skjólstæðings og ávísar síðan hreyfingu sem meðferð, eða hluta af meðferð við þeim sjúkdómum eða sjúkdómseinkennum sem verið er að fást við. Læknir vísar þá áfram til samhæfingaraðila Hreyfiseðilsins (sjúkraþjálfari) sem hefur aðsetur á Heilsugæslustöðinni. Í komunni til hans eru möguleikar og geta til hreyfingar ræddir og metnir í sameiningu. Sett eru fram markmið og útbúin hreyfiáætlun sem byggir á fagþekkingu. Samhæfingaraðilinn fylgist reglulega með framvindu og gangi mála og læknirinn ákveður endurkomu til sín við útgáfu hreyfiseðilsins.

Nánari upplýsingar má nálgast á síðu Hreyfiseðilsins á Facebook.